今日睇到報導，講股神巴菲特旗下巴郡持有逾3000億美元短債，佔整個美國短期國債市場的近5%，超過聯儲局的持股。

　　成個國債市場的總規模都係6.15萬億美元，而巴郡控制大約4.89%的份額，3000億美金係一個乜概念？「明日大嶼」交椅洲人工島填海方案最新造價大約5800億港元，大概可以造到四個人工島咁上下。
　
　　其實股神賣股轉國債並唔係近期嘅事，早係幾年前已經賣BYD、賣蘋果股份，個陣大家都仲笑股神係咪已經「回塘」，怕死又膽細，係最賺錢個陣先離場；誰不知而家水退就知道邊個無著褲，道指由45000點碌到落39000點，貿易戰打幾耐真係無知，但美股呢隻長牛終於終止。

　　好多人都話，股神操作好反映大市氣氛，因為佢永遠比其他人知道更多，所以可以預早操作。事實上，好似股神、誠哥呢種大孖沙，上得神檯梗係望得更遠，只係我地呢堆游勇散兵唔接受現實，人地就可以全身而退。

　　所以話，股神而家幾乎全倉入短債避險，究竟環球股市仲要跌幾耐？就視乎股神幾時又再出手買貨，不過肯定唔會係今年就調整完，大家睇路啦！


《編者按》本欄搜羅即市傳聞，惟消息未經證實，《經濟通》亦不保證內容之準確性。

《說說心理話》「星二代」有甚麼壓力？姜大衛兒子姜卓文參加《造星》：雖然輸了比賽，但卻得到很多！分享如何學會面對問題及成長► 即睇