阿里巴巴(09988)業績有亮點，亦據報研發出新型晶片，帶領香江魚缸9月首個交易日高開高走，魚缸開市已重上10天線（約25298點）及20天線（約25209點），最多升560點，高位見25638，全日埋單升539點，報25617，已連升兩日。業績期已屆尾聲，大市暫時繼續炒股唔炒市格局，若要再上衝高位，向上挑戰26000關甚至更高水平，仍欠缺催化劑？

　　阿里巴巴股價愈升愈有，收升逾1成8，料周二（2日）獲利回吐機會大？據報阿里正開發新型AI晶片，若消息屬實，中資晶片股特別中芯(00981)會最受惠？美團(03690)推出開源大模型「龍貓」，亦無辦法令股價有太大起色，市場仍需時消化業績負面影響？

　　周二請來光大證券國際證券策略師伍禮賢，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得8:55am昅實《經濟通》NewsTV直播節目--喇！或者click入嚟https://www.youtube.com/watch?v=1AsTnfb6NwM打個卡先又得！

【你點睇？】李家超稱現無法律針對濫用輸入勞工的僱主，若用其他方法或「殺錯良民」，你是否認同？► 立即了解