《魚缸博客》呢幾日我見好多內地媒體都討論「海南封關」呢樣嘢，實際中央其實係想將海南打造成「自由貿易港」，除左免簽、產品免稅之外，仲有資金進出放寬，部分企業更可享有低稅率，監管模式上，海南將採取「一線放開、二線管住，島內自由」。　　　好多人都話呢「封關」係劍指香港，想複製香港模式係海南運行。博客認為，香港只有一個，而且歷史悠久，行嘅係海洋法，並唔係話你想複製就可以複製到，博客覺得中央都知道的，而呢次海南「封關」，應該係想劍指「美國」多啲。　　　大家都知道，美國乃至歐美都行緊ＳＷＩＦＴ系統去操作錢銀流動，如果一有國家被踢走呢套系統，可謂經濟瞬間崩潰。所以中央其實係海南封關上，建立一套自己嘅錢銀流動系統，避免被ＳＷＩＦＴ「卡頸」，　　　所以實在海南呢個地方最大嘅戰略意義，就係想挑戰美元霸權地位。海南其實係想用低稅、免簽去吸引企業落地註冊，再用佢個套錢銀交易系統。博客幻想到，以後外地所有貨物先喺海南落地，用人民幣喺海南找數，然後貨再用水路╱飛機運到中國境內，咁就唔使經過美元造成匯率損耗。　　　幻想係好美好，但可唔可以落實到就係另一件事。中國其實而家都屬於一個消費大國，日常消費品中國都可以內產內銷，但有啲奢侈品確實要靠外邊引入，海南就可以補充呢個位置，慢慢做大。　《編者按》本欄搜羅即市傳聞，惟消息未經證實，《經濟通》亦不保證內容之準確性。

樂本健 x etnet健康網購 | 憑獨家優惠碼【ETN2508】，購物滿$500即送免費禮品► 了解詳情