《開市Ｇｏｏｄ　Ｍｏｒｎｉｎｇ》香江魚缸繼續窄幅上落，恒指低開後曾升近１００點，但１０天線（約１９３４６）前有阻力，於１９３００水平附近好淡爭持，收報１９２８６點，升６６點，全日高低波幅只有１７０點，目前魚缸仍處於一頂低過一頂嘅下降通道之內，再度跌穿萬九關、向下繼續尋底嘅機會都好大？升又升唔起，跌又唔算跌得多，至少要等到下周特朗普上台後先會有方向？　　　紫金礦業（０２８９９）及其在新疆嘅三家子公司被花旗國列入《維吾爾強迫勞動預防法》實體清單，今年８月份個陣，花旗國都曾制裁過紫金既子公司，今次制裁埋紫金，對紫金業務上嘅實際影響有幾大？紫金跌近６巴仙，不過資金淨買入近２﹒６億，回調反而係個買入機會？同時花旗國商務部亦出台最終規則，落實對神州聯網車實施禁令，對神州車企實際影響有幾大？　　　明天（１６日）《開市Ｇｏｏｄ　Ｍｏｒｎｉｎｇ》請來國農證券董事總經理林家亨，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得８：５５ａｍ　昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＩｈＺｚＱｏｔｂｅ９ｗ打個卡先又得！

etnet香港好去處推出小紅書版！立即追蹤@通仔GoGoGo 以獲取最新情報！► 即睇詳情