張敬軒預告拍攝旅遊真人騷赤裸上身？拒帶蔡卓妍阿Sa出埠散心

　　【晴報專訊】張敬軒（軒公）昨日為旅行品牌概念店擔任開幕嘉賓，他透露正忙於策劃YouTube頻道的旅遊節目《軒公周遊遊》，首季預計五集，製作費高達千萬。軒公說︰「我會先到澳洲取景，嘉賓年紀由十幾至幾十歲都有。（跟鄭裕玲的《去邊啊Do姐》打對台？）唔係，同Do姐比，我哋只係小本經營，我哋類似真人騷，會赤裸上身，係咪好吸引呢？（你都會？）我會着風褸，入面真空。」

軒公希望能到冰島及撒哈拉沙漠拍攝《軒公周遊遊》。

　　問到會否邀請剛甩拖的蔡卓妍（阿Sa）參與旅遊節目，讓她順道散心？軒公稱︰「佢自己會處理感情事，當然陪伴係需要，大家真係唔需要為佢擔心。」他指數周前與阿Sa飯聚，對方完全沒有異樣。軒公感觸道︰「人去到某個年紀，知道感情事難以勉強，最緊要搵一個夾自己嘅人。」

阿Sa日前到清遠演出，狀態甚佳。（微博圖片）

轉載自: 晴報

想延緩老化、保持年輕？堅持每日3件事：魚油+維他命D+運動=「慢老」！現凡購買 維柏健【3倍精煉魚油】，即享68折$239.3 (原價$352)，更享+$78換購維柏健【健骨維他命D3】(原價$138)！(優惠期至15/7/2025)► 了解詳情