燈燈燈燈！滬上Auntie(02589)終於係香港首掛，博客有抽獎做「一手黨」，可惜無咩運唔中，亦唔敢高Ｊ（追），因為升得太可怕了。

　　Auntie最終定價113.12元，今日起手好多人都係197.6呢個位買入，之後鄰近收市都係170上落，其實博客認為係有得炒，因為佢每手先30股，3000幾蚊手炒到6000幾蚊手，都可能仲有水位上。

　　如果按照蜜雪冰城個套路，閒閒地上五六百蚊都無咩難度，關鍵係:今日收市升幅唔好低過50%，呢個係博客認為嘅底線，跌低過五成的話，以博客經驗所得，可能有機會係暗盤收貨嘅人派貨都唔出奇。

　　如果你問博客，其實滬上AUNTIE個合理價格真係100蚊左右上落，而家都係炒緊個氣氛同市值，不論Auntie定係蜜雪冰城都好，要炒到幾百蚊以上，蜜雪已經接近2000億市值，Auntie都係唔夠200億，佢地增長率無50%以上都幾難維持到呢個股價。

　　所以就係話，「寧買當頭起」永遠都係真理，趁而家仲有氣勢，走多兩轉算啦，唔好同佢講感情擺係倉底，否則喊嘅都係自己。

《編者按》本欄搜羅即市傳聞，惟消息未經證實，《經濟通》亦不保證內容之準確性。

《說說心理話》「星二代」有甚麼壓力？姜大衛兒子姜卓文參加《造星》：雖然輸了比賽，但卻得到很多！分享如何學會面對問題及成長► 即睇