今日五十大股票升幅榜，見到隻安德利果汁(02218)，呢隻嘢長期股價低迷，佢又唔係無實業，但就係呢六七年來都股價都係浮浮沉沉，都係六七八蚊咁上落，唔見有咩特別起色；但呢幾個月成交唔算多，升返上十蚊樓上，突然呢幾日爆升一倍，去到二十幾蚊，博客睇見都打歌突。

　　上網睇返，原來近日出公告：安德利果汁2025年第一季度營業收入4.3億元人民幣，同比增加58.98%；歸母淨利潤8606.82萬元人民幣，同比增加61.31%。

　　咁公司主要業務做乜呢？叫得「果汁」一定係賣超市啦！非也，主要產品為濃縮蘋果汁、濃縮梨汁，而濃縮果汁主要係供應畀茶飲手搖行業用，得佢地先會用到咁大量。
　
　　安德利果汁爆升，某程度反映出內地茶飲市場未來有爆炸性增長，主要係好多品牌催多，市場成熟，消費茶飲成主流，所以而家隻隻茶飲股係香港爆升唔係無原因。

　　對於博客來講，安德利果汁而家仲係抵買，因為伴隨咁多茶飲股上市，一定有得炒，兩者相輔相乘。其實而家邊有人出街帶水，一係去便利店買，一係去商場買「廢水」，年輕人生活習慣一早改變，所以未來真係長做長有。
　
《編者按》本欄搜羅即市傳聞，惟消息未經證實，《經濟通》亦不保證內容之準確性。

etnet香港好去處推出小紅書版！立即追蹤@通仔GoGoGo 以獲取最新情報！► 即睇詳情