話說早兩香港財政司司長陳茂波於發布新一份《香港營商環境報告：一國兩制獨特優勢》，就講到中央機構研究，在合適範圍內相對放寬限制，便利內地來港人才調配資金來港買樓，同時避免出現資本外流。

　　乜通乜都通，咁「購房通」又係咪真可行？博客就同大家分析下。

　　波叔係想透過內地資金去激活香港樓市，但前提係，香港樓市對於內地投資者有無吸引力？你要避免資本外流，唯一方法就係限制佢買賣，好似居屋咁，你一入手就需要綁十年，十年後先可以賣走；否則錢一到香港買個單位，三個月後又話蝕讓賣走，變成第二款走資途徑。

　　博客都有望過下內地一線城市樓價，好似深圳南山區新樓都賣緊7000蚊人仔一呎，但係羅湖區就4000蚊呎都有，唔好講深圳啦，深圳人嘅後花園惠州，大把樓盤凋空係到無人問津，仲有幾多人會想落香港買樓？

　　就當同胞想喺香港落地生根，咁要有幾多人幾多錢先可以救得起香港樓市？如果大家知道自己落香港買樓要綁十年避免資金外流，又會唔會願意咁做？

　　所以「購房通」呢家嘢，博客真係覺得可行性不大，又要馬兒好，又要馬兒不吃草，你想人地落香港買樓，但又唔俾資金流走，呢件事聽起上來都覺得有少少天方夜譚咁囉。

《編者按》本欄搜羅即市傳聞，惟消息未經證實，《經濟通》亦不保證內容之準確性。

【說說心理話】照顧者壓力大 情緒出現問題應找心理醫生！嘉賓：「雖然很貴，但是值得的，他救了我一命！」► 即睇