西營盤正街｜探索中西區－「正街好時節」文化活動

活動簡介

中西區充滿唔同特色嘅街道，其中位於西營盤嘅正街更加喺「香港最斜嘅街道之一」！

市區更新基金於2021年選定正街作為活化舊區嘅先導項目，以建築設計元素融入社區進行活化。經過一眾藝術家、西營盤街坊及學校嘅共同努力，活化項目喺今年6月已經完成喇！

「正街好時節」文化活動正在喺正街一帶舉行，為期一個月（16/6至15/7），邀請市民一齊參加！尋日（16/6）更舉行咗簡單而隆重嘅開幕儀式，由市區更新基金董事會主席馬錦華及中西區民政專員鄭建瑩等主禮。

「正街好時節」文化活動嘅精彩內容包括：

展覽：每日中午12點至晚上8點，展出街坊同學生嘅創意作品，包括手繪飯碗、夜燈設計及街市老闆嘅人生故事。

社區導賞：由21/6起，連續3個周末，從「竹棚」出發，帶你親身走訪區內項目成果，簡述項目背景與設計理念。

電影放映會：喺28/6同12/7號晚上6時分別播映兩套電影「戲棚」同「幸運是我」。

大家一齊嚟到正街，一齊探索「新舊共融」嘅活化社區，感受呢份咁獨特嘅社區情懷啦！