香港仔華富邨｜綠惜華富•嘉年華

活動簡介

房委會自2019年展開華富邨重建項目以來，我哋同大家經歷咗好多難忘嘅時刻 。期間，我哋舉辦咗超過18場公眾參與工作坊，同30多個非政府組織合作，仲發布共7期《華富邨居民通訊》 。每一步，都同大家攜手共建屬於華富嘅未來。
項目團隊一直努力將華富獨有嘅文化歷史元素，融入接收屋邨同將來新華富邨嘅建築設計中，透過空間嘅升級重塑，承傳華富人嘅生活文化，令呢個充滿人情味嘅華富故事一直延續落去  。
適逢房署今年喺華富邨大力推廣綠色生活，4月已經開展咗「綠惜華富」系列活動，當中包括「安居樂繕」— 義工隊到街坊家中作簡單繕修，同「紮動傳龍」 — 紮作龍頭親子工作坊。嚟緊嘅壓軸項目—「嘉年華」 將會喺7月5日（星期日）舉行，內容豐富，重點環節包括：

典禮及社區表演
環保主題攤位遊戲
升級重塑工作坊
華富大廳沉浸式體驗

參加者可以透過遊戲同工作坊，輕鬆認識綠色生活元素，一齊發掘環保生活嘅更多可能性 。

當日嚟參加典禮同各項「嘉年華」活動嘅朋友，仲可以獲限量福袋一份 ！數量有限，送完即止，記得早啲嚟呀  ，到時見 ！

「綠惜華富」典禮及表演
日期：2026年7月5日（星期日）
地點：華富(一)邨商場平台
時間：上午9時30分至10時30分

「綠惜華富 • 嘉年華」
地點：華富(一)邨商場平台及華富大廳
時間：上午10時30分至下午3時30分