【迎接2020】打工仔10大「最貼地」新年願望，邊個最中你心聲？

3.我要做運動

　　無論係為健康定係為減肥，「我要做運動」絕對係大多數打工仔願望清單上的熱門項目！不過據編者觀察，呢個願望通常都係落空……

（《舉重妖精金福珠》劇照）

4.自己人工自己話事

　　升職加薪固然開心，但如果可以「自己人工自己話事」，就會更加開心！編者聽講，英國有間公司為咗留住人才，於是訂下「自定工資政策」，畀員工自己根據自己的工作性質調整薪資之餘，仲唔使老闆批准添！

（《華爾街狼人》劇照）

5.我要去旅行

　　雖然應付完日常生活開支之後，每月份糧都係得返嗰雞碎咁多，不過唔少打工仔都會將佢「集腋成裘」，獎勵平時辛苦工作的自己去返轉旅行！如果可以嘅話，編者希望：一年唔止一次！

（《閨蜜2》劇照）

6.我只想身體健康

　　除咗唔夠瞓之外，其實有好多打工仔都好易病，加埋好易頭痛、胃痛、腰背痛……只好繼續許願：我只想身體健康！

（截圖自《身體健康》MV）

7.最緊要有班好同事

　　返工時間流流長，最怕就係有人搞辦公室政治！但如果身邊可以有班「同聲同氣」的同事一齊吹水、一齊呻，絕對係「苦中一點甜」！

（《鬼同你OT》劇照）

8.搭車有位坐

　　雖然香港地方細細，但人口就幾乎爆燈！平時返工放工，最怕就係同人逼巴士、逼港鐵；更慘的是，好唔容易終於逼到上車，偏偏因為無位坐而要「罰企」！

（《棟仁的時光》劇照）

9.收工咪再WhatsApp我！

　　明明份工作合約無寫明24小時on call，但唔知點解好多老細、上司都好鍾意放工之後繼續WhatsApp「勞役」下屬，搞到班打工仔好似患上「手機焦慮症」一樣，日日機不離手！

（《第601個電話》劇照）

10.求包養

　　學黃子華話齋，打工仔有乜夢想？咪就係唔使做囉！難怪編者不時都喺Office聽到有同事話：求包養！

（《歡樂頌2》劇照）

Read More：【迎接2020】「我沒空」的真相！美國時間規劃專家：不是忙，只是不夠重要！