綠在屯門｜熊抱地球嘉年華

活動簡介

最近，海風輕拂中帶著春日嘅暖意，而在數千公里外嘅北極圈，冰層正受全球暖化影響而融化，令北極熊嘅棲息面積逐漸減少。同時，海洋污染日益嚴重，威脅著海洋及極地生物嘅健康，情況令人關注。今個2月「綠在屯門」會以2月27日嘅「國際北極熊日」作為主題，舉辦熊抱地球嘉年華，希望大家關注氣候變遷，了解日常生活模式如何影響遠在極地嘅生態環境，實踐惜物減廢，以及節約能源嘅綠色生活。

等小編同大家簡介一下當日活動先，我哋邀請咗屯門區內學校一同合辦攤位遊戲，考驗大家對環保及回收分類嘅認知，仲有小朋友演出保育劇場，讓大家了解北極熊及其他生物面臨嘅困境。另外，當然唔少得 #免費二手市集、考大家眼力嘅 #尋牛記 以及一向好受歡迎嘅 #環保工作坊 ，教大家發揮小創意，利用回收物升級再造，珍惜現有資源，實踐零浪費生活 ！

每一次減廢選擇，每一項節能行動，都係對遠方冰雪家園嘅溫柔擁抱，亦係對地球未來最堅定嘅承諾。

快啲留定以下日子，約定親朋好友一齊到「綠在屯門」參加啦～

活動：「北極熊的呼救」展覽、低碳承諾牆及互動攝影區、保育劇場及互動活動、環保工作坊、免費二手物市集、攤位遊戲、「尋牛記」特別活動

⚠注意事項：

1. 如有發燒或身體不適，請避免前往「綠在屯門」。

2. 活動期間需按職員指示排隊輪候。

3. 環保工作坊材料由「綠在屯門」提供，活動採用即場報名方式（先到先得，額滿即止）；每名參加者須親身在指定位置排隊等候，並依照排隊次序進行報名。

4. 每節工作坊會於活動前20分鐘開放排隊輪候及報名。

5. 免費二手物市集只會派發，不會進行收集活動。