綠在屯門｜「童」心減碳．夏日嘉年華

活動簡介

踏入暑假啦~ 歡樂既熱潮唔好俾佢停，嚟綠在屯門 參加環保嘉年華啦~

今個8月份，我地特別為大家準備咗一連兩日、適合一家大小朋友 玩嘅「童」心減碳．夏日嘉年華教大家善用身邊資源升級再造，齊齊實踐綠色零碳生活。

嘉年華活動十分豐富，繼續有一向好受歡迎嘅 環保工作坊、尋牛記、免費二手市集，當然亦唔少得攤位遊戲，考驗大家對環保回收嘅認識，仲有豐富獎品等緊你拎走！另外到時會擺設 環保懷舊玩具展，利用回收物製作玩具，例如有廢布豆袋 、翻花繩同公仔紙等，有啲懷舊玩具你可能聽都未聽過，小編誠邀大家當日一於嚟到「綠在屯門」歡渡環保嘉年華啦~

各位大小朋友，行過路過千祈唔好錯過，快啲Mark低以下日子，到時見！

活動：環保懷舊玩具展、環保工作坊、免費二手物市集、攤位遊戲及「尋牛記」特別活動

⚠ 注意事項：

1. 如有發燒或身體不適，請避免前往「綠在屯門」。

2. 活動期間需按職員指示排隊輪候。

3. 環保工作坊材料由「綠在屯門」提供，活動採用即場報名方式（先到先得，額滿即止）；每名參加者須親身在指定位置排隊等候，並依照排隊次序進行報名。

4. 每節工作坊會於活動前20分鐘開放排隊輪候及報名。

5. 免費二手物市集只會派發，不會進行收集活動。