每逢過時過節，大家都會出外食晚飯。但現今百物騰貴，通貨膨脹愈來愈厲害，出街食晚飯，不如在家簡簡單單自己煮一餐，好味又划算。

　　今期呢個茄汁煎蝦碌當然可以用來宴客及做應節菜式，美味之選 !

材料：

　　大蝦 8隻、乾蔥茸 2湯匙、蔥粒 1湯匙

調味料：

　　茄汁 2湯匙、砂糖 2茶匙、鎮江香醋 半湯匙、老抽 1/4茶匙、喼汁 1/2茶匙、清水 1湯匙、雞粉 1/4茶匙、胡椒粉 少許

粟粉水 : 

　　粟粉 1/2茶匙、清水 1湯匙 (拌勻)

做法 :

　　1. 大蝦剪去頭頂尖角、眼睛、鬚和蝦腳，挑去蝦腸，沖洗乾淨，抹乾及沾上少許生粉備用。

　　2. 燒熱鑊，落油2湯匙，將大蝦加入，用中慢火兩面各煎2至3分鐘，加入乾蔥茸爆香及注入調味料，蓋上鑊蓋煮2分鐘。

　　3. 加入適量粟粉水調較汁液濃度，炒勻上碟，灑上蔥粒即成。