《笑傲缸湖》買Crypto一年就可以財自？跟蹤價格你要知！

　　呢一輪港股成日都「妹下妹下」，升四百點又跌三百點，盈盈班朋友已經大部分轉移陣地，一係就挑戰美股，一係就買虛擬貨幣，聽聞佢地回報率都唔錯，所以盈盈我都開始接觸下呢兩個戰場。

　　剛好呢期大家都成日提到「狗狗大戰」，就係柴犬幣同狗狗幣兩隻幣爭一日之長短，而最近有單「神話」出現，有位係英國超市工作嘅倉庫經理，係今年2月用8000美金買入8000億枚柴犬幣，當時每粒柴犬幣只係價值0．0000001美元；到今年5月時候，柴犬幣隨住幣安上市，幣價高漲至0．000035美元，呢位仁兄就套現部份柴犬幣，價值50萬美元。

　　跟住到今年10月，柴犬幣再度大爆發，而且密密破頂，佢仲持有超過100萬美元價值嘅柴犬幣，而呢筆資金已經可以令到佢「財自」(財務自由)啦！所以選擇辭職全力照顧自己個仔，而且佢仲強調自己唔會全數套現，因為覺得柴犬幣可以實現更多目標咁話，果然大家都係FOMO(Fear Of Missing Out)。

　　盈盈我港股又有倉，Crypto又有倉，成日都搵好多網站睇報價，真係煩到嘔囉！不過，我知道經濟通網頁最近又開多個新功能，就係提供虛擬貨幣報價啦！呢個新增功能可以睇晒主要虛擬貨幣價格走勢，而且數據資料仲要係由幣安提供，保證可以追蹤到大戶動向，而且幣價更貼市，咁就唔怕FOMO啦！就算幣價ATH(All Time High）都可以立即知道資訊，十分好用！

　　盈盈又醒你啦！只要上經濟通網頁，點選「外匯商品」，再點「加密貨幣」，就可以睇到16隻主要加密貨幣詳細升跌！而且仲會顯示當日最高及最低價、迷你分鐘圖及日線圖！另外，經濟通．生活經濟通APP(紅APP）、經濟通強化版APP(MQ）同樣提供到呢個功能！如果用App睇的話，只要用手指一Click隻Coin嘅報價，仲可以睇埋陰陽燭圖、一分鐘圖等多種功能，真係夠晒緊貼啦！如果想炒即市都唔怕錯失時機啦！

　　而家三個平台就可以睇盡股票及虛擬貨幣資訊，非常方便，想知道最新最快比特幣價格？請即到: 

http://www.etnet.com.hk/www/tc/forex/cryptocurrency.php

又或者去Down App:

https://www.etnet.com.hk/www/tc/lifestyle/etnet/member/75078

撰文：任盈盈

【香港好去處】2025去邊最好玩？etnet為你提供全港最齊盛事活動，所有資訊盡在掌握！► 即睇