《開市Ｇｏｏｄ　Ｍｏｒｎｉｎｇ》黃瑋傑明講中美關稅、出口股

　　《開市Ｇｏｏｄ　Ｍｏｒｎｉｎｇ》中美發表《中美日內瓦經貿會談聯合聲明》，提到花旗
國將對神州商品加徵的對等關稅由１２５％暫時大幅降低至１０％，連同此前因芬太尼問題而加
徵嘅關稅，即稅率總共為３０％；神州亦暫時將反制花旗國對等關稅嘅１２５％稅率大幅降低至
１０％，中美同時暫緩實施２４％關稅９０日，可以安撫到孖屐對關稅不明朗嘅憂慮？定９０日
之後先係見真章？
　
　　中美經貿會談聯合聲明公布後，香江魚缸升幅最多擴大至逾８００點，收報２３５４９，升
６８１點，大市成交３２２４億。魚缸已補返４月初裂口兼有凸，周一（１２日）升幅已反映貿
易聲明利好因素？現價入市值博率有幾高？領升藍籌升幅榜頭兩位係早前受關稅消息拖累嘅舜宇
光學（０２３８２）、比亞迪電子（００２８５），今輪反彈目標睇幾多？
　
　　明日（１３日）《開市Ｇｏｏｄ　Ｍｏｒｎｉｎｇ》請來輝立證券董事黃瑋傑，同大家分析
上述股份、大市走勢，當然唔少得分析其他焦點股份！歡迎大家提問投資及其他股票問題。記得
８：５５ａｍ昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇
！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝
ＳＨＣ２ＵｑｊｑＮ６ｗ打個卡先又得！