《小傳日記》電視盒子市場凍過水，小米時隔７年再推新款為咗乜？

　　《小傳日記》今個周末，小米（０１８１０）竟然靜靜雞推出咗兩款新嘅電視盒子產品，小
米盒子５同埋小米盒子５　Ｍａｘ。講真，電視盒子呢樣嘢，聽起嚟都有啲陌生，神州好多人已
經慣咗用手機、ｐａｄ煲劇，就算要揀電視，都會買一部內置串流媒體平台同語音控制功能嘅智
能電視！言歸正傳，小米上一次出電視盒子已經係七年前，當大家都以為呢條產品線已經被放棄
嘅時候，小米盒子突然回歸。
　
　　講起電視盒子，可能大家第一時間會諗起Ａｐｐｌｅ　ＴＶ，可以支援４Ｋ　ＨＤＲ同杜比
音效，可以冇廣告睇Ｎｅｔｆｌｉｘ、迪士尼動畫，仲可以搭配Ｘｂｏｘ或者ＰＳ手掣嚟打機。
講返小米盒子，其實功能都差唔多，好似畫質增強技術，可以將７２０Ｐ或者更低分辨率嘅畫面
，搞到更清晰；支援４Ｋ解碼同杜比視界（Ｄｏｌｂｙ　Ｖｉｓｉｏｎ）。
　
　　雖然功能睇落都幾有用，但喺電視嘅使用率本身已經下降嘅情況下，電視盒子市場早以萎靡
。根據神州新媒體調研報告，２０２４年中國智能盒子嘅全年銷量得２４９萬台，同比下降咗
２０﹒４％，相當慘淡，而相比十年前，市場規模已經縮水到不足當時嘅五分之一。
　
　　喺咁萎靡嘅市場環境之下，小米竟然仲要堅持推出新嘅電視盒子，究竟佢哋諗緊啲咩呢？小
米嘅目的應該唔係單純想靠賣電視盒賺錢，而係喺生態同內容服務上有更長遠嘅布局。首先係小
米引以為傲嘅人車家全生態，小米盒子運行嘅係小米澎湃ＯＳ，可以同米家設備聯動，例如你喺
睇電視嘅時候，如果有人按門鈴，畫面可以即時喺電視上顯示出嚟；你仲可以用電視控制掃地機
、空調或者燈光，打造一個全屋智能場景。小米盒子就相當於係一個家庭智能控制中樞。另外，
小米盒子入面仲內置咗小愛同學嘅新版本，可以幫用戶搵片、查天氣，甚至幫你安排家庭活動計
劃，進一步完善咗小米嘅智能家居生態。
　
　　其次，小米電視盒子仲可以作為推廣小米音樂同小米影視嘅一個重要媒介。小米今次推出買
小米盒子５　Ｍａｘ會送一年小米影視會員，好明顯係一種引流策略。並且，你買咗小米盒子，
好大機會都會訂閱小米嘅影視同音樂會員，賣電視盒子可以吸引更多人進入佢哋嘅生態閉環。
　
　　自從小米汽車爆大鑊之後，雷軍大佬都忍唔住喺社交平台度呻，「呢個月係人生最難捱嘅日
子」。接下嚟睇下哩部細細粒嘅電視盒子，可以喺小米嘅人車家生態中發揮幾大嘅作用呢？我哋
拭目以待，請請！
　
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。