《魚缸博客》蜜雪冰城之後又滬上阿姨，一於抽爆佢啦！

　　《魚缸博客》呢期堆茶飲新貴真一波未平一波又起，先唔好講蜜雪集團（０２０９７）升到
癡左線，５００蚊一股真係升到不得之了ＣＨＩＣＫＥＮ　ＷＩＮＧ咁，而家又到滬上阿姨
（０２５８９）來港上市，博客都係一句：抽爆佢！今日文章就係講咁多，拜拜！
　
　　咪住，都要聽下我分析嘅。滬上阿姨算係目前內地五大茶飲料店中增長最快，不過留意返，
佢主要收入係來自「加盟商」，２２╱２３年加盟商佔比大約係９９﹒７％，截至２０２４年公
司總門店數目大約接近９２００間；單品ＧＭＶ大約２６蚊左右，算係中規中矩。
　
　　博客自己就無咩點飲過滬上阿姨，好似係南方佔比唔太高，店內主打「血糯米奶茶」，開業
第一日已經排隊排到開巷。聽聞一開始係兩公婆係上海一個商場租間小店，兩公婆落手落腳做，
發展到十幾年先有目前規模。
　
　　其實而家內地餐飲業發展迅速，只要你識做起一個ＩＰ、有一件出名單品，就好容易有風投
主動接觸你，做ＡＢＣＤＥ輪融資之後再上市，不論滬上阿姨定蜜雪，玩法都係大同小異。
　
　　呢期新股ＩＰＯ表現都幾好，俾少少錢抽新股當買六合彩心態，中左基本上ＦＲＥＥ　
ＭＯＮＥＹ，唔中都係輸一百幾十蚊，用呢個心態去抽就得啦。
　
《編者按》本欄搜羅即市傳聞，惟消息未經證實，《經濟通》亦不保證內容之準確性。