《政政經經》網上有網主報道，估唔到特朗普加關稅一招，竟然反高潮帶飛中國電商平台，
最近敦煌網在美國Ａｐｐ Ｓｔｏｒｅ殺上第二位，單日下載量爆３６萬次。
現在全美國最熱嘅關鍵搜索字「Ｈｏｗ ｔｏ ｂｙｐａｓｓ ｔａｒｉｆｆ」，
ＴｉｋＴｏｋ班中國人落廠開直播踢爆秘密。東莞製衣老闆娘，攞住條Ｌｕｌｕｌｅｍｏｎ同款
瑜伽褲講我哋嘅布料出廠價５蚊美金，貼個牌去美國就賣一嚿水美金。福建莆田鞋廠後生仔仲癲
，攞住對名牌波鞋，你哋２００蚊買嘅ｈｉｔ款，我哋倉３０蚊人仔任你選擇。最絕嘅係義烏箱
包廠嘅老闆，當場解剖愛馬仕白金袋，鱷魚皮深圳皮革城入貨，五金係佛山做，成本唔使
１５００蚊美金，專門店夠膽賣１５萬人仔。
美國人邊見過咁嘅場面，留言即刻話ｄｒｏｐ ｔｈｅ ｌｉｎｋ，敦煌網立時變身做美國
嘅拼多多（ＵＳ﹒ＰＤＤ）。首頁全部都係爆款個個震撼，Ｄｙｓｏｎ平頭風筒９﹒９美金包郵
直送，名牌同款太陽眼鏡２﹒９９買一送一，聖誕燈飾連關稅運費計，佢竟然平過沃爾瑪
（ＵＳ﹒ＷＭＴ）六成。
加州啲師奶搞咗個國貨ｇｒｏｕｐ ｏｒｄｅｒ，３０個師奶夾份訂咗個２０呎貨櫃嘅聖誕
裝飾，轉頭喺社區度賣，三日就賺夠個仔嘅大學學費，此場面連美國傳媒都急到跳晒掣。
《華爾街日報》狂插敦煌網係山寨老翻大本營，結果就比網民衝上熱搜，啲雞蛋貴到８蚊美
金一打，邊個仲理得你正版定翻版。啲人揹住一個假嘅Ｃｈａｎｅｌ逼地鐵，現在美國嘅後生仔
女反而變咗一個反消費主義嘅潮流，紐約地鐵亦都出現一啲叫做行為藝術。
班白領一齊揹住Ｍａｄｅ ｉｎ Ｃｈｉｎａ嘅帆布袋，件Ｔ恤係我阿爺幫Ｎｉｋｅ代工，
我愛莆田原廠，再魔幻啲，中國新出嘅即買即退稅政策，搞到班鬼佬癲哂。買一萬蚊嘅貨即場退
一千蚊嘅稅，再加埋２４０個鐘嘅免簽，依家班美國代購團玩到出神入化。
洛杉磯嘅美甲師，帶住啲姊妹殺到廣州十三行嗰度，日頭掃貨，夜晚就珠江夜遊。六日掃咗
１８箱衫同埋首飾，返到去美國轉手賣嘅錢，可以賺半年嘅供樓錢。
＊中國製造實力無人能比＊
上海海關最近都多咗一個奇景，外國遊客揹住塞滿咗小商品嘅行李箱，過安檢嘅時候叮叮噹
噹好似一個流動嘅雜貨舖。講到最熱鬧嘅一定要講，義烏國際商貿城凌晨三點鐘燈火通明，老闆
靠ＡＩ用十個國家語言做交易。巴基斯坦就採購商帶住２０部手機直播俾客揀貨：「老友睇呢株
會變色嘅聖誕樹，美國超市賣緊７０美元，我哋批發價七個九。」
物流區仲誇張，３０架貨車排隊等住上貨，每個貨櫃裝住霸氣標語：「中國價格導彈，目標
係紐約時代廣場」。
咁呢一場狂歡背後，其實有一個收埋咗嘅大棋局，東莞精密機床廠正幫瑞士手表代工齒輪，
順德嘅小家電廠攞住Ｄｙｓｏｎ嘅核心摩打技術，最絕係深圳華強北呢度研發嘅智能芯片，被裝
入國際名牌嘅掃地機械人，轉身就貴５倍出口到其他國家，所以話特朗普之關稅大棒，就夾硬打
出中國製造嘅全球大踢爆。
咁依家紐約第五街名牌店跳樓價，原價千五蚊皮鞋，現價２９９蚊，照樣無人吼。
咁喺地球另一邊廂，廣州白雲皮具城，零零後嘅留學生直播幫鬼佬做代購，呢款最新嘅馬鞍
包，原廠品質帶防偽卡，只要專門店嘅零頭，搞到經濟學家都感歎，中國工廠重新定義緊全球奢
侈品嘅玩法。
所以話特朗普呢一鋪反向嘅操作，反而其實令到全世界睇清咗中國製造嘅真實實力，中國既
可以做個鴻蒙系統對話星辰大海，又可以俾密西西比河旁阿婆用一個三蚊嘅創意鈕扣。
由敦煌網爆紅到代購熱潮，表面上係價格戰，實際上係產業鏈嘅降維打擊，正所謂廣東人金
句：「有危便有機」。
關稅大棒砸過嚟，我哋國家反手熔咗佢，鑄成高鐵嘅路軌，帶住中國製造「Ｍａｄｅ ｉｎ
Ｃｈｉｎａ」，走去新嘅天地！《資深投資者 石鏡泉》
（投資涉風險，每投資者承受風險程度不一，務必要獨立思考。筆者會因應市況而買賣。）
＊《經濟通》所刊的署名及╱或不署名文章，相關內容屬作者個人意見，並不代表《經濟通》立
場，《經濟通》所扮演的角色是提供一個自由言論平台。
etnet榮獲HKEX Awards 2024 「最佳證券數據供應商」大獎► 查看詳情
